අලුත් වසරකට පා තැබීම යනු අලුත් බලාපොරොත්තු ඉටු කරගැනීමේ ගමනයි. අප සෑම දෙනෙකුටම මේ වෙනුවෙන් වූ පැතුම් පොදි ගැසී ඇත. මේ සියල්ල මුදුන්පත් කර ගැනීමේදී අප අමතක නොකළ යුතු දෙයක් වන්නේ සමාජ සම්බන්ධතා නිසි අයුරු පවත්වාගෙන යෑමයි. එය අපගේ මූලික ඉලක්කය විය යුතු වන්නේ එබැවිනි.
කළ යුතු සහ නොකළ යුතු දෑ
පසුගිය වසර තුළ උගත් පාඩම් තුළින් නොකළ යුතු දෑ ලැයිස්තුගත කිරීම අපගේ ප්‍රයත්නය සඳහා වැදගත්ය. එසේම මගහැරුණු දෑ අලුතින් එකතු කරගත යුතු දෑ ගැන දැනුවත් වීම කළ යුතුමය. සම්බන්ධතා ඉලක්ක අපගේ ඉදිරි වර්ෂයේ වැඩකටයුතුවල නිවැරදි දිශාව පෙන්වන යන්ත්‍රය බව අමතක නොකරන්න.
කළ යුතු දෑ
සන්නිවේදනය
මෙය මහජන සම්බන්ධතා ඉලක්කවල යතුරයි. සන්නිවේදනය පෝෂණය කිරීමට නම් විවෘත සහ අවංකභාවය අත්‍යවශ්‍යය. ගෞරවනීය සන්නිවේදනය ගෞරවනීය ජීවිතයකට මං පාදයි.
කාලය
අප කෙතරම් කාර්යබහුල වූවත් සම්බන්ධතා සඳහා යොදන කාලය ගුණාත්මකව යෙදවීමේ වැදගත්කම අමතක නොකළ යුතුයි.
අන්‍යෝන්‍ය සහාය
ඔබේ මෙන්ම අනෙකාගේ ජයග්‍රහණ සහ අභියෝග හමුවේ සහයෝගීතාව පෙන්වන්න. අනෙකාගේ උදව් ඉල්ලීමට පසුබට නොවන්න.
විශ්වාසය
අනෙක් අය සමග විශ්වාසය වගා කරනවා මිස පළුදු වීමට කටයුතු නොකරන්න. කල් පවතින හා ශක්තිමත් සම්බන්ධතා සඳහා විශ්වාසය නැතිවම බැරි සාධකයකි.
නොකළ යුතු දෑ
සන්නිවේදන බිඳ වැටීම්
හැඟීම් ඇවිස්සීම නොකළ යුතුය. මේ සඳහා විවෘත සන්නිවේදනය ඉතා වැදගත්ය. ඔබ ඔබ හා සන්නිවේදනය කරන ආකාරයෙන් අන්‍යයන් හා සන්නිවේදනය කිරීම මහෝපකාරී වේ.
වැයකළ යුතු කාලය පැහැර හැරීම
වැය කළ යුතු කාලය පැහැර හැරීම පසුතැවීමට හේතුවේ. යහපත් සම්බන්ධතාවකදී ඔබ මනාව කාල කළමනාකරණය කළ යුතුය.
පෞද්ගලික වර්ධනය නොසැළකීම
පොදු ඉලක්කයක් කරා යෑමේදී ඔබ හා හවුල්කාර පාර්ශවයන්හි ගුණාත්මක වර්ධනය පවත්වාගෙන යෑම නිරන්තරයෙන් කළ යුතුය.
නොපිළිගැනීම
අනෙකාව පිළිගන්න. උදාසීන නොවී නිතරම උද්යෝගයෙන් සිටින්න. අනෙක් අයව අගය කිරීමට හා කෘතඥතාව දැක්වීමට පසුබට නොවන්න.
(https://relationshipsgoal.com/ ඇසුරෙන්)
සුනිල් අල්ගම ✍️
