අඟහරු තරණය කිරීම සඳහා පුහුණු කිරීමේ මධ්‍යස්ථානයක මෙහෙයුමකට සහභාගි වීම සඳහා නාසා ආයතනය විසින් තෝරාගත් සිව් දෙනකුගෙන් යුතු කාර්ය මණ්ඩලයට ශ්‍රී ලාංකික තරුණියක් වන පියුමි විජේසේකරද ඇතුළත් වී තිබෙනවා.
ඇය සමඟ Jason Lee, Stephanie, Navarro, Sharef Al Romaithi යන පිරිස මෙම කණ්ඩායමට ඇතුළත් අතර ඔවුන් මැයි 10 සිකුරාදා හූස්ටන්හි ඉදිකර ඇති අඟහරු තරණය කිරීමේ අනුකරණ මධ්‍යස්ථානය වන Hera වෙත පිවිසීමට නියමිතයි.
එතැන් සිට එම කණ්ඩායම දින 45ක කාලයක් අඟහරු තරණයට යන ගගනගාමීන් වෙනුවෙන් සාදා ඇති අනුකරණ පරිසරයක් තුළ ජීවත් වීමට නියමිත අතර එහිදී ගගනගාමීන් ලෙස කටයුතු කිරීමෙන් ඔවුන්ට අඟහරු තරණය කිරීමේ පුහුණුවක් සහ ඊට අනුගත වීමේ අවස්ථාව ලැබෙන අතර එම කාලය ජුනි 24 වැනි දින ආපසු පැමිණීමෙන් අවසන් වන බවයි විදෙස් මාධ්‍ය වාර්තා කරන්නේ.
පියුමි විජේසේකර කැලිෆෝනියාවේ සිලිකන් නිම්නයේ නාසා ඒම්ස් පර්යේෂණ මධ්‍යස්ථානයේ විකිරණ ජෛව භෞතික විද්‍යාගාරයේ පශ්චාත් ආචාර්ය උපාධි පර්යේෂණ විද්‍යාඥවරියක් බව වාර්තා වෙනවා.
