ලෝක රූප රැජිනක් කී විට අපේ හිතට ඇති වෙන්නේ තාරුණන්‍යය සමග සම්බන්ධ වුන සිතුවිල්ලක්. ඒ වගේම රූප රැජිනක් තෝරා ගැනීමේ නිර්ණායකයන් අතරටත් වයස ඇතුලත් වෙනවා. නමුත් වයස ලස්සනට හරස් නොවන බව ලෝකයටම ප්‍රකාශ කරමින් 2023 වසරේ සැප්තැම්බර් මාසයේදී ආර්ජන්ටිනාව විසින් එතෙක් මෙම තරගයට ඉදිරිපත් වීමට තිබුන 18-28 අතර වයස සීමාව වෙනස් කළා. ඒ අනුව වයස අවුරුදු 18 ට වැඩි ඕනෑම කාන්තාවකට ලෝක රූ රැජින තරගය වෙනුවෙන් ඉදිරිපත් වීමට අවස්ථාව සලසා දුන්නා.
වයස 60 ක්…
මේ ලිහිල් වුණ සීමාව නිසා අලෙජන්ඩ්රා මරිසා රොඩ්රිගස් ( Alejandra Marisa Rodriguez ) ලෝක රූ රැජින තරගය වෙනුවෙන් ඉදිරිපත් වීමට තීරණය කළා. මේ වනවිට ඇගේ වයස අවුරුදු 60 ක්. බුවනොස් අයර්ස් හි පදිංචි මරිසා මේ වනවිට මිත්තණියක්. වයස ඇගේ ලස්සනට හරස් නැති බවට වූ ආත්ම විශ්වාසය නිසාම 2024 වසරේ සැප්තැම්බර් මාසයේ පැවැත්වෙන සුදුස්සන් තෝරා ගැනීමේ තරගයට ඉදිරිපත් වීමට තීරණය කළා.
ඇය ජයග්‍රාහිකාවක්…
මරීසා මේ තරගයෙන් බුවනොස් අයර්ස් හි රූප රාජිනිය ලෙසින් කිරුළු දැරීමට සමත් වුණා. ඇය සමග වූ තරගයට වයස අවුරුදු 18 සිට 73 දක්වා වූ කාන්තාවන් 34 දෙනෙක් ඇතුළත් වුණා. නමුත් ඒ අය මරීසාට අභියෝගයක් වුණේ නැහැ.මරීසා බුවනොස් අයර්ස්හි රූප රැජින බවට පත් වීමත් සමග 2024 මැයි මාසයේ ආර්ජන්ටිනාවේ පැවැත්වෙන ජාතික තරගය හෙවත් ආර්ජන්ටිනාව නියෝජනය කරන ජාතික තරගයට ඉදිරිපත් වීමටත් සූදානමින් සිටිනවා.
මරීසා වියපත් වුණත් ලස්සන කාන්තාවක්. මාධ්‍යවේදිනියක් වන ඇය වෘත්තියෙන් නීතිඥවරියක්. බොහෝ රූමත් කාන්තාවන් වයසත් සමග අනේ අපේ ලස්සන කවුද බලන්නේ යැයි පසුගාමී වන යුගයක මරීසා තමන්ගේ වයස නොතකා මේ තරගයට ඉදිරිපත් වීමට නොපැකිලව ඉදිරිපත් වුණා. මගේ මේ ඉදිරිපත් වීම නිසා අපේ වියපත් කාන්තාවන්ටත් අනාගතයේදී මේ අභියෝගය බාර ගනීමට හැකියාවක් තිබෙන බැව් ඇය සඳහන් කරනවා.
(අල්ජසීරා පුවත් ඇසුරෙන්)
පුන්‍යා චාන්දනි ද සිල්වා ✍️
