Sanam Teri Kasam 2 ළඟදීම
Bollywood ඉතිහාසයේ බිහි වූ ප්‍රේමණීය චිත්‍රපටියක් ලෙස Sanam Teri Kasam චිත්‍රපටය හඳුන්වන්න පුළුවන්. මේ චිත්‍රපටයේ පළවෙනි චිත්‍රපටය 2016 දී ප්‍රදර්ශනය කළා. බොහෝ ප්‍රේක්ෂක සිත් දිනාගත් මෙම චිත්‍රපටයේ දෙවැනි කොටස නිර්මාණය කරන බවට නිල වශයෙන් සනම් තේරී රසිකයන්ට දැනුම් දීලා තියෙනවා.
සරෝ – ඉන්දර්ගෙ ආදර කතාව Sanam Teri Kasam චිත්‍රපටයේ කතා වස්තුව වෙනවා. නොහික්මුණු, අකීකරු යැයි සමාජය විසින් ලේබල් ගහපු ඉන්දර් දවසක් අහිංසක සරෝව දකිනවා තම නිවාස සංකීර්ණය තුළ. ඔවුන්ගේ පළවෙනි හමුවීම සුහදශීලී හමුවීමක් නොවේ. නමුත් සරූගේ සෑම කරදරයකදී පිහිටට පැමිණෙන්නේ මේ ඉන්දර්. තම හිතුමතේට විවාහයක් කර ගන්න සැරසෙන සරුට නිවසේ දොරගුළු වැහෙද්දී සහයෝගය ලබාදෙන්නේ ඉන්දර්ය. ඇයගේ තේරීම වෙන කෙනෙකු වුවද අවසානයේ දෙවියන්ගේ තීරණය වූයේ ඉන්දර්ය. නමුත් දෛවය නම් කෙතරම් කුරිරුද අවසානයේ සරුවට මිය යෑමට සිදුවන්නේ නොසිතූ ලෙසිනි.
මෙලෙස නිම වෙන වෙන්නෙ Sanam Teri Kasam චිත්‍රපටයේ පළවෙනි කොටසයි. දෙවනි කොටස කෙසේ නිර්මාණය වන්නේද යන්න පිළිබඳ කිසිදු ඉඟියක් තවමත් නොමැත. එයත් පළමු චිත්‍රපටය වගේම විශිෂ්ට ගණයේ චිත්‍රපටියක් වේ යැයි අපි සියල්ලම සිතමූ.
නිපුනි සම්මානි ✍️
