කාලයෙන් කාලයට එක එක දේ වෙනස් වෙනවා. ටික්ටොක් වේගයෙන් ජනතාව අතර පැතිර ගිය එවැන්නක්. ඇත්ත වශයෙන්ම එය ඇබ්බැහියක් බවට පත්වී තිබෙන්නේ වයස් භේදයකින් තොරවයි. මේවා තුළින් නවතම නිර්මාණ, අලුත් අදහස් සඳහා පසුබිම නිර්මාණයවීම සිදුවෙනවා. අතීතයේ සිට භෞත චිකිත්සකයන් විසින් භාවිත කරනු ලැබූවත් සෞඛ්‍යමය වශයෙන් එහි ඇති වැදගත්කම සොයා බැලීම සඳහා විශේෂඥයින් යොමු කළ පසුපසින් පසුපසට ඇවිදීමේ ටික්ටොක් ක්‍රීඩාවත් එවැන්නක්.
ඇවිදීමට අභියෝගයක්
ශාරීරික හා මානසික යෝග්‍යතාව රැකගැනීම සහ බර අඩුකර ගැනීම සදහා නිර්දේශිත ඉතිහාසයක් ඇති ඵලදායී ක්‍රමය සරල ඇවිදීමයි. එහෙත් පසුපසට ඇවිදීමේදී විවිධ මාංශපේශී කාණ්ඩ ක්‍රියාකාරී වෙයි. මෙමඟින් වඩාත් හොඳ සෞඛ්‍ය හා මානසික ප්‍රතිලාභ ලැබේ. හෘදයාබාධ අවදානම අඩුකර ගැනීම සඳහාද මෙය උපකාරී වෙයි.
පසුපසට ඇවිදීම ධනාත්මක ප්‍රවේශයක් වන අතර එමගින් ලැබෙන්නේ සංජානන ක්‍රියාවලියට වඩාත් ක්‍රමවත් පුහුණුවකි. Tread mill ව්‍යායාම උපකරණයක ආධාරයන් එය කළ හැකි නමුත් එළිමහනකදී හෝ ඇවිදීමේ මං තීරුවකදී වුවද එය පහසුවෙන් කළ හැකිය.
ප්‍රතිලාභ
ශක්තිය, හෘද ධමනි යෝග්‍යතාව සහ සෞඛ්‍ය, ඉරියව් පවත්වාගෙන යෑම, සමබරතාව, විශේෂයෙන් දණහිස් හා පිටකොන්ද ඇතුළු වෙනත් වේදනා සමනය, චලනය කිරීමේ හැකියාව, මානසික සෞඛ්‍ය, අවධානය සහ හඳුනාගැනීමේ හැකියාව, ශාරීරික යෝග්‍යතා වර්ධනය ආදිය මේ ව්‍යායාමය තුළින් ලැබෙන ප්‍රතිලාභයි.
පාදවලටත් හොඳයි
පාදවල මාංශපේශී ශක්තිමත් කරන නිසා දණහිස් තුවාලවලින් සුවය ලබන අයට විශේෂයෙන් ප්‍රයෝජනවත් වේ. දිගු වේලාවක් හිඳගෙන සිටින අයටත් ගුණදායකයි. පාද පසුපසට තැබීමේදි සමබරතාව රැකගැනීම දියුණු වෙයි.නිවැරදි ඉරියව් සහ අවධානය ඔබ යන්නේ කොතැනටදැයි ඔබට නොපෙනෙන නිසා අවධානය සහ නිවැරදි ඉරියව් පවත්වාගෙන යෑම දියුණු වෙයි.
මේ නිසා ඇදවැටීම් අවදානම් අඩුවෙයි. එසේම වළලුකරවල චලන පරාසයද පසුපසට ඇවිදීමේදී වැඩිදියුණු වෙයි. කොඳුඇට පෙළෙහි පීඩනයද අඩුවන නිසා ඒ ආශ්‍රිත වේදනා සමනය කරයි. මානසික අබාධවලටත් හොඳයි.
සාමාන්‍ය ඇවිදීමේදී මෙන් නොව පසුපසට ඇවිදීම සඳහා වැඩි මානසික ශක්තියක් අවශ්‍ය වේ. එහිදී ඔබට සිතීමට සලස්වයි. ඔබගේ මනස චලනය හා සම්බන්ධ කරයි. මේ නිසා මනස සක්‍රිය වන අතර අවධානය යොමුකිරීමද ශක්තිමත් වන නිසා මානසික රෝගාබාධ සඳහා සහනයක් ලැබෙයි. මීට අමතරව කෙටි කාලීන මතකය ඇතුළු සිහිය හා සම්බන්ධ සංජානන ක්‍රියාකාරීත්වය අවදි කරයි.
www.healthline.com ඇසුරින්
සුනිල් අල්ගම ✍️
