මේ ලෝකෙ ජීවත්වෙන හැම මනුස්සයම මේ ඉන්න ටික කාලයට ලස්සනට සතුටින් වගේම සුවඳවත්ව ජීවත් වෙන්නේ කැමතියි. සුවඳ කියද්දිම මොනවද ඔයාට මතක් වුණේ?… ඔව් ඔයා හරි සුවඳ විලවුන් තමයි. සුවඳ විලවුන් මුල්කාලීනව නිෂ්පාදනය කළේ ශරීරයේ ගන්ධය නැතිකර ගැනීමට. නමුත් අද වෙද්දි තමන්ගේ තත්ත්වය, පන්තිය නියෝජනය කරන එක් සාධකයක් විදිහට මේ සුවඳ විලවුන් පෙන්වා දෙන්න පුළුවන්. කවුද ඉතින් මේ සුවඳ විලවුන්වලට අකමැති. බාල, තරුණ, මහලු ඕනෑම වයසක කෙනෙක් මේ සුවඳ විලවුන්වලට ඉතාම කැමතියි. අපි අද හිතුවා හැමෝම කැමති මේ සුවඳ විලවුන් ගැන හැමෝම නොදන්න දෙයක් කියන්න. ඉතින් මෙන්න ලෝකයේ වඩාත්ම මිල අධික සුවඳ විලවුන් වර්ග 10…
1. Le Monde Sur Mesure
පැරීසියේ ප්‍රංශ සමාගමක් විසින් නිපදවන ලද මෙම සුවඳ විලවුන් කිලෝග්‍රෑම් පහේ බෝතලයක මිල ඇමරිකානු ඩොලර් මිලියන 1.8 ක් වෙනවා. මෙහි බෝතලය දියමන්ති 1000 කින් සහ රත්‍රං කිලෝග්‍රෑම් දෙකකින් සරසා තිබෙනවා.
2. Le Monde Sur Mesure
පෙර සඳහන් කළ සමාගම විසින් මෙම සුවඳ විලවුන් වර්ගය නිෂ්පාදනය කර ඇත්තේ විශේෂයෙන්ම නිර්නාමික මැදපෙරදිග පවුලක් සඳහාමයි. මෙය ඇමරිකානු ඩොලර් මිලියන 1.5 කට අලෙවි වූ අතර රන් සන්නාහයක් සහ දියමන්ති මෙහි ඇතුළත් වෙනවා.
3. ෂුමුක් ( Shumukh)
සුඛෝපභෝගී සන්නාමයක් වන Nadeel විසින් UAE හි නිෂ්පාදනය කළ මෙහි මිල ඇමරිකානු ඩොලර් මිලියන 1.3 කි. මෙහි බෝතලය දියමන්ති 3571 ක්, විශාල මුතු, පිරිසිදු රිදී කිලෝ ග්‍රෑම් 5 ක් සහ කැරට් 18 රත්තරන්වලින් සරසා ඇත.
4. DKNY Golden Millon Dollar
ස්වර්ණාභරණ නිර්මාණකරුවෙකු වන මාර්ටින් කාට්ස් සමග DKNY විසින් නිර්මාණය කරන ලද මෙම සුවඳ විලවුන් බෝතලයේ වටිනාකම ඇමරිකානු ඩොලර් මිලියනයක් වේ. එහි බෝතලය කහ නිල් මැණික් 183 ක්, සුදු දියමන්ති 2700 ක්, රෝස කැපු දියමන්ති හතරක්, කාබොචොන් නිල් මැණික්, ඕවලාකාර කැපූ රූබි සහ pear හැඩති රෝස කැපූ දියමන්ති ඇතුලත් වේ.
5. Creed Royal Service
Creedys ඇති සුඛෝපභෝගී සුවඳ ඇමෙරිකානු ඩොලර් මිලියන එකකි. එය නවීනත්වය සහ සුවිශේෂීත්වය සංකේතවත් කරන ආකර්ෂණීය බෝතලයක් සමග ඔබ අතට පැමිණේ.
6. Jar Bottle of Lightning
දුර්ලභ මල් සහ කුළුබඩු සහිත සටහන් සඳහා සුප්‍රසිද්ධ මෙම සුවඳ විලවුන් බෝල්ට් හැඩයති බෝතලයක ඉදිරිපත් කර ඇත. මෙහි මිල ඇමරිකානු ඩොලර් මිලියන 765,000කි.
7. ක්ලයිව් ක්‍රිස්ටියන්
ක්ලයිව් ක්‍රිස්ටියන්ගේ ඉම්පීරියල් මැජිස්ටහි වැනිලා, රෝස සෙන්ට්‍රලයිස් සහ ඇෆ්‍රොඩයිට් අන්තර්ගත වේ. මෙය ආදරය සහ සුන්දරත්වයේ දේවතාවිය ලෙස හඳුන්වයි. එහි අවුන්සයක මිල ඇ.ඩො. 12,721.89 කි.
8. Baccarat Les Larmes Sacrees De Thebes
Baccarat විශ්මයජනක ස්ඵටික ගුණය සඳහා ප්‍රසිද්ධය. මෙම සීමිත සංකීර්ණ සුවඳ පිරමීඩ හැඩැති ස්ඵටික බෝතලයකින් යුක්ත අතර අවුන්සයක මිල ඩොලර් 6800 කි.
9.චැනල් ග්‍රාන්ට් එක්ස්ට්‍රේට්
මෙම සුවඳ විලවුන් අවුන්සයක මිල ඩොලර් 4200 ක් වේ. මෙය සුවඳ හා කලාත්මක බව යන දෙකෙන්ම විශිෂ්ට සුවඳ විලවුන් වර්ගයකි.
10. ක්ලවුඩ් ක්‍රිස්ටියන් අංක 1
2001දී දියත් කර 2006 දී නැවත නිකුත් කරන ලද මෙය ප්‍රභේද දෙකකින් ඔබ අතරට පැමිණේ. එහිදී ස්ත්‍රී සහ පුරුෂ යන දෙපාර්ශවයටම වෙන් වෙන් වශයෙන් බෙදී ගිය ප්‍රභේද පවතී. තවද මෙහි අවුන්සයක් ඩොලර් 2150 කි. මෙහි ඇති විශිෂ්ට සුවඳ ඔබට අද්විතීය සුවඳ අත්දැකීමක් ලබාදෙයි.ඉතින් ලස්සනට වගේම සුවඳට ඉන්න කැමති ඔයාට අද අපි සුවඳ විලවුන් ගැන කියල දුන්න මේ කාරණය ගැන දැනගෙන ඉඳීමත් වැදගත් වේවි.
Indiatime.com ඇසුරෙන්
ටෂ්මි ගමගේ ✍️
