අවශ්ය ද්රව්ය
- කොත්තමල්ලි ඇට තේ හැඳි 1 1/2
- සූදුරු තේ හැඳි 1/2
- සේර මේස හැඳි 1
- තලාගත් ඉඟුරු තේ හැඳි 1
- රස අනුව ලුණු හා ගම්මිරිස්කුඩු
- සූදුරු ස්වල්පයක්
- කරාබු නැටි 2
- කහකුඩු තේ හැඳි 1/4
- උකු පොල්කිරි කෝප්ප 1 1/2
- විනාකිරි මේස හැඳි 1 1/2
- වතුර කෝප්ප 1/4
- කපාගත් කටු රහිත කුකුල් මස් ග්රෑම් 200
- මස් කරි පවුඩර් මේස හැඳි 2
- රෝස්ට් කර අඹරාගත් පීනට් කෝප්ප 1/2
- අඹරාගත් තල ඇට මේස හැඳි 2
- රතු සීනි මේස හැඳි 2
- ෆිෂ් සෝස් මේස හැඳි 1
- සියඹලා මේස හැඳි 2
සාදාගන්නා ආකාරය
කොත්තමල්ලි හා සූදුරු කුඩුකර එයට සූදුරු, සේර, ඉඟුරු, කරාබු නැටි දාලා හොඳට තලලා කහකුඩු ටිකත් දමාගන්න. ඊළඟට පොල්කිරි කෝප්ප 1/4, විනාකිරි හා වතුර තලන ගමන්ම එකතු කරගන්න.
මේක හොඳට කලවම් කර කපාගත් කුකුල් මස්වලට මේ මිශ්රණය දාලා හොඳට අනාගන්න. මේක පැය භාගයක් වගේ මැරිනේට් කරගන්න. වෙනම භාජනයකට පොල්කිරි කෝප්ප 1/4 දාලා ළිපේ තියන්න. උතුරන විට මස්කරි පවුඩර් එක දාලා කලවම් කරගන්න.
ඒකට තව පොල්කිරි කෝප්පයක් දාලා හැඳිගාගන්න. මේකට පීනට් සහ තල ඇට සහ සීනි දමා කලවම් කරගන්න. ෆිෂ් සෝස් ටික දාලා සියඹලා යුෂ එකතු කර හොඳින් කලවම් කරගන්න. හොඳට උකු වුණ පසු ලුණු ළිපෙන් ඉවත් කරගන්න. මැරිනේට් කරපු චිකන් කෙබාබ් ස්ටික්ස්වල රඳවා ග්රිල් හෝ බේක් කරගන්න. පීනට් සෝස් එකත් එක්ක පිළිගන්වන්න.
