සුදු ෂර්ට් එකක් කියන්නෙ ගෑනු ළමයෙක්ගේ ඇඳුම් අල්මාරියේ තියෙන්නම ඕන ඇඳුමක්. Casual වගේම Formal විදිහටත් අපිට මේ සුදු ෂර්ට් එක ස්ටයිල් කරන්න පුළුවන්. නමුත් මේ විදහට විවිධ විලාසිතා කරන අරමුණින් සුදු ෂර්ට් එකක් ගන්නව නම් ලිනන්, කොට්න් මිශ්‍ර ෂර්ට් එකක් තෝරගන්නව නම් හොඳයි. ඒ වගේම ඇඟේ සයිස් එකට නොගෙන ඔයාගේ සයිස් එක small නම් ඔයා තෝරගන්න ඕනෙ Medium සයිස් එකක තරමක් ලොකු ෂර්ට් එකක්.
Sleeveless Maxi dress
අත් නැති මැක්සි ඩේ‍රස් එකක් යටින් සුදු ෂර්ට් එක ඇඳලා ස්ටයිල් කරන්න පුළුවන්. මේක උත්සවයකට වගේම කාර්යාලයටත් ඇඳගෙන යන්න පුළුවන් විදිහේ විලාසිතාවක්. කාර්යාලවල අත් නැති, කර වැඩියෙන් කැපුණු ඇඳුම් අඳින්න නොදෙන නිසා මේක හොඳ විසඳුමක්.
Bodycon dress
බොඩිකොන් ඩේ‍රස් එකක් ගොඩක් රාත්‍රි කාලයේ පැවැත්වෙන උත්සවවලට ගැළපෙනවා. නමුත් බොඩිකොන් කියන්නේ ඇඟටම ෆිට් වෙන ඇඳුමක් නිසා සමහරුන්ට ඇඳගෙන යන්න අපහසුවක් දැනෙන්න පුළුවන්. අන්න එහෙම කෙනෙක්ට පුළුවන් සුදු ෂර්ට් එකක් එක්ක බට්න්ස් ඕපන් කරන් බොඩිකොන් ඩෙස්්‍ර එකත් එක්ක අඳින්න.
Black Skirt
ඇඟට ෆිට් වෙන කළු සායක් එක්ක සුදු ෂර්ට් එකක් ලස්සනට ස්ටයිල් කරන්න පුළුවන්. සුදු ෂර්ට් එක සම්පූර්ණයෙන්ම සායට යට නොකර ෂර්ට් එකේ එක පැත්තක් විතරක් සායට යට කරලා මේක අඳින්න ඕනෙ. ඔයාට තියෙන්නෙ ෆ්ලෙයා සායක් නම් ඔයාට පුළුවන් ෂර්ට් එක සම්පූර්ණයෙන්ම යට කරලා අඳින්න.
Black Pant
කාර්යාලයට ඇඳගෙන යන්න පුළුවන් හරිම ක්ලාසි විලාසිතාවක් තමයි මේක. අවස්ථාව අනුව ඔයාට තීරණය කරන්න පුළුවන් Heels ද Flats ද පාවිච්චි කරන්නෙ කියලා. පෑන්ට් එකට බෙල්ට් එකක් පාවිච්චි කරනවා නම් ඒකත් කළු පාටින්ම තෝරගන්න.
Wide Leg Floral Pant
සුදු ෂර්ට් එක වයිඩ් ලෙග් පෑන්ට් එකක් එක්ක හොඳින්ම ගැළපෙනවා. හරිම රිලැක්ස් ස්ටයිලිෂ් පෙනුමකට මේකෙන් යන්න පුළුවන්. සුදු ෂර්ට් එක හයි වේස්ට් පෑන්ට් එකට හොඳින් යට කරලා මේක අඳින්න ඕනෙ. ඔයාට ඔයාගේ ශරීරයේ හැඩය හොඳින් පෙන්නන්න මේක හොඳ ක්‍රමයක්.
Denim Jean
ඩෙනිම් කලිසම් නම් ඕනම ගෑනු ළමයෙක් ගාව තියෙනවා. Wide leg හෝ Pencil Cut ඕනම ඩෙනිම් එකක් මේකට තෝරගන්න පුළුවන්. මේක සම්පූර්ණයෙන්ම යට කරලා හෝ එක පැත්තක් විතරක් යට කරලත් අඳින්න පුළුවන්.
Cami Top
ඩෙනිම් ජීන් එකක් එක්ක කැමි ටොප් එකක් යට කරලා ඇඳලා ඊට උඩින් සුදු ෂර්ට් එක ඇඳලා ස්ටයිල් කරන්න පුළුවන්. සුදු ෂර්ට් එක, ඩෙනිම් එක, කැමි ටොප් එක කියන්නෙ වෙන වෙනම අඳින්න පුළුවන් ඇඳුම් වුණත් මේ සේරම එකට ඇඳලා ලස්සන විලාසිතා කරන්න පුළුවන්.
Denim Skirt and Cami Top
Light Blue පාට ඩෙනිම් සායකට කළු කැමි ටොප් එක යට කරලා ඊට උඩින් සුදු ෂර්ට් එක බට්න්ස් ඕපන් කරලා තියෙද්දිම යට කරලා අඳින්න පුළුවන්. කැමි ටොප් එක සුදු පාටට ප්‍රතිවිරුද්ධ පාටකින් තෝරගන්න එකත් වැදගත්. තනි සුදු ෂර්ට් එකක් කියන්නෙ නිකන්ම ඇඳුමක් නෙවේ. විවිධාකාරයේ විලාසිතා මවන්න පුළුවන් ෆුල් පැකේජ් එකක්.
සදලි කොට්ටහේවගේ
(Lavishing with Sandali)
එරංදි කෞශල්‍යා
