කොමඩු අපට ආගන්තුක පලතුරක් නොවෙයි. විජලන තත්ත්වයට වහා ප්‍රතිචාර දක්වනවා. අඩු කැලරි ප්‍රතිශතයකින් යුක්තයි. අපි හැම දෙනාම කොමඩු වෙනුවෙන් දක්වන සැලකිල්ල කොමඩු ඇටවලට දක්වන්නේ නැහැ. කළු පැහැති මෙම ඇට ඉවත් කර කොමඩු මදය පමණක් ආහාරයක් විදිහට වින්දත් කොමඩු ඇටවල ඇති පෝෂණීය වටිනාකම ගැන තවමත් සමාජය දැනුවත් නැහැ. මීයන් ආශ්‍රිතව සිදු කරන ලද අධ්‍යයනයන් මගින් පර්යේෂකයන් විසින් කොමඩු ඇටවල අන්තර්ගතව තිබෙන පෝෂණීය වටිනාකම් හඳුනාගෙන තිබෙනවා.
මොනවාද මේ පෝෂණීය ගුණ
කොමඩු ඇටවලත් ෆෝලේට්, යකඩ, විටමින් B6, pantothenic ඇසිඩ්, අන්තර්ගතයි. ඒ විතරක් නොවෙයි. පොස්පරස්, පොටෑසියම් සහ මැග්නීසියම් වැනි පෝෂණ පදාර්ථත් අන්තර්ගතව තිබෙනවා.
තරුණ පෙනුමකට
කොමඩු ඇට අසංතෘප්ත මේද අම්ල සංයුතියකින් යුක්තයි. මෙම ඇටවල අන්තර්ගත ප්‍රතිඔක්සිකාරක ශක්තිය නිසා ඔබගේ තරුණ පෙනුම ආරක්ෂා කරනවා.
දියවැඩියාවට ගුණයි
කොමඩු ඇට දියවැඩියා රෝගීන්ට බෙහවින්ම ගුණදායකයි. කොමඩු ඇට අහුරක් වතුර ලීටරයකට දමා විනාඩි 45 කින් පසු ඇට ඉවත් කර ඒ වතුර පානය කිරීම දියවැඩියා රෝගීන්ට බෙහෙවින් ගුණ ලබා දෙන බවටත් දැන් අනාවරණය කරගෙන තිබෙනවා.මෙය පානය කිරීම එතරම් අපහසු නැහැ. ඒ නිසා සතියකට දෙතුන් වතාවක් පානය කිරීම සුදුසුයි.
පිරිමින්ගේ මද සරු බව වළකයි
පිරිමින්ගේ ශුක්‍රාණු ගිණුම වර්ධනය සඳහා කොමඩු ඇට පානය කිරීම ගුණදායකයි. මෙහි අන්තර්ගත “ලයිකොපින්” ප්‍රතිඔක්සිකාරකය නිසා පිරිමින්ගේ මද සරු බවට කොමඩු ඇට ස්වභාවික ප්‍රතිකාරයක්.
කෙටි කාලීන මතකය වර්ධනය කරනවා
සමාජයේ ඇතැම් පුද්ගලයන්ට අතීතයේ සිදුවුණ හැමදෙයක්ම මතකයේ තිබුණත් අද, ඊයේ සිදු වුණ බොහෝ සිදුවීම් අමතකයි. එවැනි කෙටි කාලීන අමතක පුද්ගලයන් වෙනුවෙනුත් කොමඩු ඇට ඉතා ගුණදායකයි.
රුධිර පීඩනය පාලනයට
අද සමාජයේ අධි රුධිර පීඩනය නොමැති පුද්ගලයෙක් සොයා ගැනීමත් අපහසුයි. අපේම වැරදි නිසා ඇතිවන අධි රුධිර පීඩනයෙන් නිදහස් වීමටත් කොමඩු ඇට ඉතාම ගුණදායක බැව් හඳුනාගෙන තිබෙනවා. හදවත් ආශ්‍රිත රෝග සංකුලතාවයන්ටත් ගොදුරු වෙනවා. විශේෂයෙන් ආජර්නීන් (Arginine) යනුවෙන් හැඳින්වෙන කිරීටක ධමනීන් ආශ්‍රිත ආබාධ තත්ත්වයෙන් නිදහස් වීමට නම් කොමඩු ඇට ආහාරයට එකතු කර ගැනීම වඩාත් සුදුසුයි.
හිස්සොරි කරදරෙන් මිදීමට
අපි මොනතරම් විලාසිතා කළත් හිස්හොරි නිසා අපේ ඇඳුම් අපිරිසිදු වෙනවා. මේ සඳහා ඉතා හොඳ ප්‍රතිකාරයක් දැන් හඳුනා ගෙන තිබෙනවා. කොමඩු ඇට වලින් ලබා ගන්නා තෙල් හිස් කබලේ ආලේප කිරීමෙන් හිස්හොරි වළක්වා ගත හැකි බවටත් දැන් තොරතුරු ලැබී තිබෙනවා.
හිසකෙස් ශක්තිමත් කරයි
කොමඩු ඇට ප්‍රෝටීන් සහ ඇමයිනෝ අම්ලයන්ගෙන් යුක්තයි. මෙම සංයුතිය නිසා හිසකෙස් ශක්තිමත් වීමට අවශ්‍ය වෙන අත්‍යවශ්‍යය මේද අම්ල (Essential Fatty Acid) සපයා ගැනීමට හැකියාවක් තිබෙනවා.
ඔමේගා 6 මේද අම්ල අන්තර්ගතයි
කොමඩු ඇට වල අන්තර්ගත ඔමේගා 6 මේද අම්ල නිසා හිතකර කොලස්ටරෝල් මටට්ම යහපත් අගයක පවත්වා ගැනීමටට හේතු වෙනවා. ඒ වගේම අහිතකර කොලස්ටරෝල් ගිණුම නිසා බොහෝ රෝගාබාධයන්ට ඇති වෙනවා. කොමඩු ඇට මගින් සිරුරට ලැබෙන ඔමේගා 6 මේද අම්ල නිසා කොලස්ටරෝල් ගිණුම යහපත් ලෙසින් පවත්වා ගැනීමේ හැකියාව ලැබෙනවා. කොලස්ටරෝල් මට්ටම පාලනය වීම නිසා කිරීටක ධමනීන් සහ හෘද රෝගාබාධ ඇති වීමට තිබෙන අවදානමත් නැති වෙනවා.
තන්තු බහුලයි
කොමඩු ඇට තන්තු බහුල නිසා ජීරණ මාර්ගය ආශ්‍රිත සෞඛ්‍ය තත්ත්වයට ගුණදායකයි. කොමඩු ඇට පොටෑසියම් බහුල නිසා රුධිර කාන්දුකරණයේ යෙදෙන රෝගීන්ට නම් සුදුසු නොවේ.
(healthshots.com ඇසුරෙන්)
පුන්‍යා චාන්දනී ද සිල්වා
