ලුණු වැඩියෙන් කෑමේ අගුණ පෙන්වා දීම නිසා සමහරු ලුණු කෑමට බියවෙයි. එහෙත් ලුණු අඩුවෙන් ගැනීමද සිරුරට අහිතකරයි. ඒ පිළිබඳ විශ්වාසදායක මූලාශ්‍ර මත පදනම්ව ලියැවුණු ලිපියක් මේ ලිපිය ලිවීමට පාදකකරගෙන ඇත. ඔබට අධි රුධිර පීඩනය ඇත්නම් සෝඩියම් වැඩිවීම අගුණය. එහෙත් සිරුරට අවශ්‍ය ප්‍රමාණයෙන් ලුණු නොගතහොත් ඉන්සියුලින් කෙරෙහි සිරුර දක්වන ප්‍රතිරෝධය ඉහළ යන අතර LDL කොලෙස්ටරෝල් මට්ටම් ඉහළ යා හැකිය. ඔබේ වෛද්‍යවරයා විසින් ඔබට ලුණු අඩු ආහාර වේලක් අනුගමනය කිරීමට නිර්දේශකර ඇතිවිටෙක මේ ගෙන එන තොරතුරු ඔබට අදාළ නොවේ.
සෝඩියම්
සෝඩියම් යනු ලුණුවල වැදගත් ඉලෙක්ට්‍රොලයිටයක් වන අතර ලුණුවල ප්‍රධාන සංරචකයකි. සෝඩියම් අධික ආහාර රුධිර පීඩනයට අහිතකර නිසා සෞඛ්‍ය සංවිධාන මගින් සෝඩියම් සීමා කිරීමට නිර්දේශ කෙරේ. ඔවුන්ගේ මෑතකාලීන නිර්දේශ අනුව දිනකට සෝඩියම් මිලිග්‍රෑම් 2,300කට අඩුවෙන් ආහාරයට ගතයුතුය.
සෝඩියම් ඕනෑවට වඩා අඩු වුණොත්
අධ්‍යයන කිහිපයකින්ම සෝඩියම් අඩු ආහාර නිසා සිරුරේ ඉන්සියුලියන් ප්‍රතිරෝධය වැඩිකෙරෙන බව සනාථකර ඇත. ඉන්සියුලින් ප්‍රතිරෝධය යනු සිරුර ඉන්සියුලින් හෝමෝනයේ සංඥා වලට හොඳින් ප්‍රතිචාර නොදක්වන විට ඉන්සියුලින් සහ රුධිරයේ සීනි මට්ටම ඉහළ යෑමයි. එය 2 වන වර්ගයේ දියවැඩියාව සහ හෘදරෝග ඇතුළු බරපතල රෝග සඳහා දායකවෙයි.
හෘදරෝග සහ ආඝාත අවදානමක්
හෘදරෝග සහ ආඝාත මරණ අවදානම කෙරෙහි අඩු සෝඩියම් ආහාරවල බලපෑම අධ්‍යයන කිහිපයක් මගින්ම තහවුරු කර ඇත. දිනකට සෝඩියම් මිලිග්‍රෑම් 3000 ට අඩුවෙන් ගැනීම හෘද සහ ආඝාත මරණ අවදානම වැඩිකරන බවද සෝඩියම් පරිභෝජනය අඩුකිරීම හෘද සහ ආඝාත මරණ අවදානමට හේතුවන බවද විවිධ අධ්‍යයන මගින් තහවුරුකර ඇත.
LDL (නරක කොලෙස්ටරෝල්) සහ ට්‍රයිග්ලිසරෝල් මට්ටම් වැඩිකරයි
අඩු සෝඩියම් ආහාර නිසා නරක කොලෙස්ටරෝල් සහ ට්‍රයිග්ලිසරෝල් යන දෙකම වැඩිවන අතර මෙමගින් හෘද රෝග අවදානම වැඩිකරන බව අධ්‍යයන වාර්තා පෙන්නුම් කරයි.
දියවැඩියා රෝග මරණ අවදානම වැඩිකරයි
දියවැඩියාව මගින් හෘදරෝග සහ ආඝාත අවදානම වැඩිකරන නිසා අඩු සෝඩියම් පරිභෝජනය දියවැඩියා මරණ අවදානම වැඩිකරන බව පරීක්ෂණ වාර්තා බොහොමයක් පෙන්වාදී තිබේ.
Hyponatremia රෝග අවදානම ඇතිකරයි
Hyponatremia යනු රුධිරයේ සෝඩියම් මට්ටම අඩුවීමයි. විජලනය නිසා ඇතිවන රෝග ලක්ෂණ වලට සමාන ආබාධ මෙහිදී ඇතිවේ. වඩා බරපතල තත්ත්ව වලදී මොළය ඉදිමීම, හිසරදය, වලිප්පුව, කෝමා තත්ත්ව සහ අවසානයේදී මරණය උදාකරයි. වැඩිහිටියන්ට මෙම රෝගය වැළඳීමේ වැඩි අවදානමක් ඇත.
වැඩිපුර සෝඩියම් සකස්කළ ආහාර වලින්
ඔබ නිරෝගී නම් මේ ගැන කරදර විය යුතු නැත. එහෙත් අධික ලෙස පැකට් කළ ආහාර අනුභවයෙන් වැළකීම සිරුරේ සෝඩියම් අධික වීමට හේතු විය හැකිය
(https://www.healthline.com/ ඇසුරෙන්)
සුනිල් අල්ගම
