මේ වසරේ රූපවාහිනී රූ කිරුළේ දෙවන ස්ථානය හිමිකරගත් රූ කුමරිය ඇයයි. දෙවන ස්ථානයට අමතරව මිනි ටයිට්ල්ස් දෙකක් ඇය දිනාගත්තා. ඒ හොඳම සිරුර සහ හොඳම සමයි. නවලියේ මේ ඉඩකඩ වෙන් වෙන්නෙ ඇය වෙනුවෙනුයි.
නම – තමාෂා අමරසිංහ
වයස – 23 යි
උස – අඩි 5 අඟල් 6
පදිංචිය කඩවත
■ ඇයි මේ තරගයට ඉදිරිපත් වෙන්න හිතුවෙ?
ඇත්තටම මේකට මාව මෝටිවේට් කළේ ඔෆිස් එකේ අය. මගෙත් පොඩි කාලෙ ඉඳන්ම ආසාවක් තිබ්බා ජයග්‍රහණය කෙසේවෙතත් මේ තරගයට කවදහරි ඉදිරිපත් වෙන්න.
■ මේ ජයග්‍රහණයෙන් පස්සෙ ඔබට මොනවද ලැබුණු ආරාධනා?
විවිධ ආරාධනා ලැබුණා. හොඳ නිර්මාණවලට දායක වෙන්න බලාපොරොත්තුවක් තියෙනවා. නමුත් මම කැමති නිරූපිකාවක් විදිහට ඉදිරියට යන්න.
■ නිරූපිකාවක් විදිහට දැනෙන හැඟීම මොනවගේද?
මට තවම මාව වෘත්තිමය නිරූපණ ශිල්පිණියක් විදිහට හඳුන්වන්න බෑ. නිරූපණ ක්ෂේත්‍රයට මම ඉතාම අලුත්. ඉතින් මම කැමතියි මේ ගමන ඉගෙනගෙන යන්න. මං හිතන්නෙ ඕනම දේක පැවැත්මක් තියෙන්නේ අපි ඒ ගැන ඉගෙනගෙන පිවිසුණොත් විතරයි. මම නිරූපණය ඉගෙනගන්නෙ රොසෑන් ඩයස් මහත්මියගෙන්. නිරූපිකාවක් විදිහට මට හොඳ අත්දැකීම් ගණනාවක් ලැබුණා.
■ රැකියා ස්ථානයෙන් ලැබෙන සහයෝගය කොහොමද?
මම පෞද්ගලික බැංකුවක සේවය කරන්නෙ. ටිකක් විවේකයෙන් අඩු රැකියාවක්.ඒත් මගේ වැඩ වලට ලොකු සහයෝගයක් එතනින් ලැබෙනවා. මට හොඳ යාළුවෝ ගොඩක් එතනින් හම්බුණා. මගේ බැකප් ටීම් එක වගේ එයාලා මාත් එක්ක හිටියෙ නැත්නම් මට මේ ගමන එන්න වෙන්නෑ. ඒ වගේම අම්මාල තාත්තාල මල්ලි කියන්නෙ මගේ බැක්බෝන් එක. එයාලා නැත්නම් මම අද මෙතන නෑ.
■ අනාගත බලාපොරොත්තු
නිරූපන ක්ෂේත්‍රයෙන් හොඳ ගමනක් යන්න වගේම ගුවන් සේවිකාවක් විදිහට වැඩ කරන්නත් බලාපොරොත්තුවක් තියෙනවා.
එරංදි කෞශල්‍යා
