■ මොනවද මේ ෆේස් යෝගා කියන්නෙ…
ෆෙස් යෝගා අභ්‍යාස සිදු කිරීමෙන් ඔබේ මුහුණ එල්ලා වැටෙන ප්‍රදේශ ඔසවමින් තරුණ පෙනුමක් ලබා දෙනවා. ශල්‍යකර්ම, ඉඳිකටු හෝ මිල අධික සම ආරක්ෂණ නිෂ්පාදන නොමැතිව සම ඔසවා තබාගැනීමට ෆේස් යෝගා උපකාරී වෙනවා. සෞඛ්‍ය සම්පන්න දීප්තියක් සඳහා රුධිර සංසරණය වැඩිදියුණු කර මුහුණේ ආතතිය අඩු කරන ස්වයං රැකවරණයක් විදිහට මේ ෆෙස් යෝගා හඳුන්වන්න පුළුවන්.
■ ලැබෙන ප්‍රතිලාභ…
මුහුණේ යෝගා මගින් මුහුණට එල්ල වන බලපෑම් වලට එරෙහිව සටන් කිරීමට උපකාරී වෙනවා. ආතතිය මුදා හැරීම, මුහුණේ විවිධ රේඛා අවම කළ හැකි වීම, කම්මුල් ඉහළට සහ හකු ශක්තිමත් කිරීමට මුහුණේ මාංශ පේශි ශක්තිමත් කිරීම සහ සමට රුධිර සංසරණය සහ රුධිර ප්‍රවාහය වැඩි කිරීම, සමේ දීප්තිය ඇති කිරීම මෙයින් ලැබෙන ප්‍රතිලාභයි. ෆේස් යෝගා වල ඉලක්කය වෙන්නේ ඔබේ සමට රුධිරය සහ ඔක්සිජන් සැපයුම වැඩි කිරීමයි. ඒ වගේම එය සෛලවල ආයු කාලය වැඩි දියුණු කරනවා. මුහුණේ ව්‍යායාම පුහුණුව හරහා මාංශ පේශි තානය කිරීමෙන් වයස්ගත වීමේ සලකුණු අඩු කරගත හැකියි.
■ ෆෙස් යෝගා ක්‍රම 4 ක්…
● The Cheek Lifter
ඔබේ මුඛය O අකුරක් ආකාරයට විවෘත කරන්න. දත් මත ඔබේ උඩු තොල තබා කම්මුල් මාංශ පේශී ඉහළට ඔසවා සිනාසෙන්න. පසුව ඇඟිලි කම්මුල් මාංශ පේශි මත සැහැල්ලුවෙන් තබන්න. ඒවා පහත් වීම සඳහා කම්මුල් මාංශ පේශි මුදා හරින්න. ඉන්පසු ඔබේ ඇස් දෙසට මාංශ පේශි තල්ලු කිරීම ගැන සිතමින් නැවත සිනාසෙන්න. කම්මුල් 10 වතාවක් පහත් කර ඔසවමින් නැවත නැවත කරන්න. 10 වන වතාවේදී ඔබේ මාංශ පේශි ඔබට හැකි තරම් ඉහළට තබා තත්පර 20 ක් තබා ගන්න. තුන් වරක් නැවත නැවතත් කරන්න.
● Happy Cheeks Sculpting
ඔබේ දත් නොපෙන්වා සිනාසෙන්න. හැකි තරම් තොල් පෙන්වීමට උත්සාහ කරන්නාක් මෙන් ඔබේ තොල් පෙරළන්න. මුඛයේ කොන් වලින් සිනහ වීමට උත්සාහ කරන්න. පසුව ඔබේ ඇඟිලි මුඛයේ කොන් වලට තබා කම්මුල් දක්වා තල්ලු කරන්න. ඔබේ ඇස්වල කොන් දෙසට කම්මුල් දක්වා මාංශ පේශි ඔසවන්න. තත්පර 20 ක් මෙලෙස ව්‍යායාමය කරන්න. ඔබේ කම්මුල්වල මාංශ පේශි තද වන බවට දැනෙන තෙක් මෙය සිදුකරන්න. ඔබ මෙය කරන විට ඔබේ මුඛයේ කොන් මගින් සිනාසෙන්න. තුන් වරක් නැවත නැවතත් කරන්න.
● The Eyebrow Lifter
ඔබේ ඇහි බැම යට ඇඟිලි තුනක් තබා ඇහැ ඇරගෙන පහළට අදින්න. මෙය කරන අතරතුරේ සිනාසෙන්න. ඉන්පසු ඔබේ ඇස් වසා ඔබේ ඇහිබැම ඔබේ හිස මුදුනට හරවන්න. තත්පර 20 ක් එලෙස අල්ලාගෙන සිනාසෙන්න. තත්ත්පර 20 කට පසු නිදහස් කර තුන් වරක් නැවත නැවතත් කරන්න.
● Jaw and Neck Firmer
“ආහ්” ශබ්දයක් නැගෙන ආකාරයෙන් විටින් විට මුඛය විවෘත කරන්න. යටි තොල සහ තොල්වල කොන් ඔබේ මුඛයට නමා ඔබේ යටි හකු ඉදිරියට දිගු කරන විට තදින් අල්ලා ගන්න. යටි හකු භාවිත කරමින් ඔබේ මුඛය වසා ගන්නා විට සෙමින් ඉහළට ගන්න. මෙලෙස කරන සෑම අවස්ථාවකම නිකට අඟල් 1 ක් පමණ ඉහළට ඔසවා හිස පිටුපසට ඇල කරන්න. ඔබේ පහළ හකු 10 වතාවක් විවෘත කර වසන්න. 10 වැනි අවස්ථාවේදී ඔබේ නිකට සිවිලිම වෙත යොමු විය යුතුයි. තත්පර 20 ක් සිදුකර තුන් වරක් නැවත නැවත කරන්න.
■ අන්තර්ජාතිකව සිදු කළ පර්යේෂණ…
වයස අවුරුදු 40 සිට 65 දක්වා කණ්ඩායමක් සති අටක් සඳහා දිනකට මිනිත්තු 30 ක් මුහුණේ ව්‍යායාම සිදු කළහ. පසුව තවත් සති 12 ක් ඔවුන් සතියකට තුන් හතර වතාවක් ව්‍යායාමවල නිරත විය. සති 20 අවසානයේදී අධ්‍යයනයට සහභාගී වූවන් ඉහළ සහ පහළ කම්මුල්වල පූර්ණත්වය වැඩිදියුණු කර තිබුණි.
■ වැරදියට කළොත්…
ඔබේ වයසට යාම වැළැක්වීමේ ක්‍රමය ලෙස ෆෙස් යෝගා වලට නැඹුරු වීම ඕනම වෙලාවක නවත්තන්න පුළුවන්. නිතිපතා ඔබ මෙම ව්‍යායාමයෙහි යෙදුණොත් නිරන්තරයෙන් මුහුණ ඇදීමෙන් සහ එම මාංශ පේශිවලට ව්‍යායාම කිරීමෙන් රැලි සහ සියුම් රේඛා ඇති විය හැකියි. මම ව්‍යායාමය සිදුකළ යුත්තේ දිනකට මිනිත්තු තිහක වගේ කාලයක් පමණයි. ඒ වගේම ආක්‍රමණශීලීව හෝ වැරදි ලෙස සිදු කළහොත් වයසට යාමේ සලකුණු වේගවත් විය හැකියි.
( Everydayhealth.com ඇසුරෙන් )
■ එරංදි කෞශල්‍යා
