හැමදාම මම ඔයාලට චිත්‍රපටි ගැනනේ තොරතුරු අරගෙන ආවේ අරගෙන ආවේ. ඔන්න අද පොඩි වෙනසක් කරන්න හිතුවා. මම අද ඔයාලට අරන් ආවෙ TVසීරීස් එකක්. ඒ තමයි මේ දවස්වල කට්ටිය කතා වෙන From කතා මාලාව. අමරණීයත්වය වෙනුවෙන් තමන්ගේ දරුවන් බිල්ලට දෙන්න වුණොත් ඔයාට ඒක කරන්න පුළුවන්ද. හැබැයි මේ From කියන කතා මාලාවේ නම් සිද්ධ වෙලා තියෙන්නෙ අන්න ඒ වගේ දෙයක්.
1506, එවකට මෙම නගරයේ මුල් පදිංචිකරුවන් සදාකාලික ජීවිතයක් ලබාගැනීම වෙනුවෙන් තවමත් සදහනක් නොකළ යම් දෙයක් සමග ගනුදෙනුවක් කරනවා. ඒ සදහා ඔවුන් තමන්ගෙ දරුවන් බිල්ලට දෙනවා. ඒත් එක කපල් එකක් මේ ගනු දෙනුව ප්‍රතික්ෂේප කරනවා. ඒ තමයි මිරැන්ඩා සහ ක්‍රිස්ටෝපර්. මොකද එයාලට දුවෙක් හිටියා සහ ඔවුන්ට දරුවන් බේර ගන්න අවශ්‍ය වුණා.
ඒත් එයාලගෙ උත්සාහය අසාර්ථක වෙනව සහ ශාපය හේතුවෙන් දරුවන්ගෙ ආත්ම ගසක මුල් සමඟ බැදිලා යම් ස්ථානයක් නිර්මාණය වෙනවා. ඒත් ඒ කපල් එක තීරණය කරනව කෙසේ හෝ ළමයි බේර ගන්න. ඉතින් එයාලගෙ මරණෙන් පස්සෙත් ආපහු ආපහු ඉපදිලා උත්සහ කරනවා දරුවන්ගේ ආත්ම ගලව ගන්න. ඒත් එයාලා ඒ හැම අවස්ථාවකදීම අසාර්ථක වෙනවා. මේ ආත්මේදී මිරැන්ඩා සහ ක්‍රිස්ටෝපර් ආපහු ඉපදෙන්නෙ තබිතා සහ ජේඩ් විදිහට. මෙවරවත් ඔවුන්ට සාර්ථක වෙලා දරුවන් බේරගන්න හැකි වේවිද?
From කතා මාලාවේ Season 1 2022 පෙබරවාරි 20 නිකුත් වුණ අතර season 2 2023 දි නිකුත් වුණා. Season 3 පසුගිය මාසයේ නිකුත් වූ අතර එහි අවසානය ප්‍රේක්ෂකයන්ගේ සිත්වලට ගැටලුවක් එක් කරමින් අවසන් විය. මේ නිසාම මේ කතා මාලාව බොහො දෙනා අතර කතා බහට ලක්ව ඇත. ලොව පුරා සිනමා විචාරකයින් මෙහි අවසානය ගැන Fan theary හදලා තියෙනවා.
ඒ ගොඩක් අයගේ අදහස තමයි මේක පිටසක්වලයින් සම්බන්ධ දෙයක් කියන එක. මේ කතා මාලාවේ අවසානය කොහොමද කියලා අපි ඉතින් පොඩ්ඩක් බලන් ඉමූ.
නිපුනි සම්මානි ✍️
