ශ්රී ජයවර්ධනපුර විශ්වවිද්‍යාලයීය මානවශාස්ත‍්‍ර හා සමාජීයවිද්‍යා පීඨයේ වාර්ෂික ඩිප්ලෝමා සමර්පණෝත්සවය මැයි මස 03 වැනිදා පෙ.ව.9.00 සිට ප.ව.5.00 දක්වා සැසිවාර හතරකින් යුක්තව ශ්රී ජයවර්ධනපුර විශ්වවිද්‍යාලයේ පිටිපන තාක්ෂණ පීඨ ශ‍්‍රවණාගාරයේ දී පැවැත්වීමට කටයුතු සංවිධානය කර තිබේ.
එහි පළමු සැසිවාරය යටතේ බෞද්ධ උපදේශන ඩිප්ලෝමාව, බෞද්ධ අධ්‍යයන ඩිප්ලෝමාව, තොරතුරු තාක්ෂණ ඩිප්ලෝමාව, සංවර්ධන ප‍්‍රතිපත්ති විශ්ලේෂණ පිළිබඳ ඩිප්ලෝමාව, ආර්ථික විද්‍යාව හා තොරතුරු තාක්ෂණය පිළිබඳ ඩිප්ලෝමාව, සමාජවිද්‍යා ඩිප්ලෝමාව සහ සමාජ වැඩ ඩිප්ලෝමාව යන පාඨමාලා හදාරන ලද සිසුන් සඳහා ඩිප්ලෝමා සහතික පත් පිරිනැමේ.
දෙවන සැසිවාරයේ දී ඉංග්‍රී‍සී ඩිප්ලෝමාව(බාහිර), ඉංග්‍රී‍සී ඩිප්ලෝමාව(අභ්‍යන්තර) සහ ජපන් භාෂා ඩිප්ලෝමාව පාඨමාලා හදාරන ලද සිසුන් සඳහා ඩිප්ලෝමා පිරිනැමීම සිදුකරනු ලැබේ.
භූගෝලීය තොරතුරු පද්ධති සහ දුරස්ථ සංවේදය පිළිබඳ ඩිප්ලෝමාව, ග‍්‍රාමීය සංවර්ධන ඩිප්ලෝමාව, ඉතිහාසය ඩිප්ලෝමාව, ඇබ්බැහිවීම පිළිබඳ මනෝවිද්‍යාව හා පුනරුත්ථාපනය ඩිප්ලෝමාව, ලේඛකත්ව හා සන්නිවේදන ඩිප්ලෝමාව සහ ව්‍යවහාරික දෙමළ භාෂා ඩිප්ලෝමාව හදාරන ලද සිසුන් සඳහා ඩිප්ලෝමා ප‍්‍රදානය තෙවන සැසියේදී සිදුකෙරේ. අවසන් සැසිය වන සිව්වන සැසිවාරයේ දී අපරාධ විමර්ශනය හා නූතන තාක්ෂණය පිළිබඳ ඩිප්ලෝමාව, අපරාධ නිවාරණය සහ අපරාධ පාලනය සඳහා නීති අධ්‍යාපනය පිළිබඳ ඩිප්ලෝමාව, අපරාධ මනෝවිද්‍යාව සහ වරදකරුවන් උපදේශනය පිළිබඳ ඩිප්ලෝමාව සහ අපරාධ විද්‍යා ඩිප්ලෝමාව යන ඩිප්ලෝමා හදාරන ලද සිසු සිසුවියන් උදෙසා ඩිප්ලෝමා සහතික පත් ප‍්‍රදානය කිරීමට නියමිතය.
මේ සියලු ඩිප්ලෝමා පාඨමාලා සාර්ථක ව නිමකළ ඩිප්ලෝමාලාභීන් රටේ සබුද්ධිමත් ශ‍්‍රම බලකාය වෙත ප‍්‍රමාණවත් සේවාවක් ලබා දෙනු ඇතැයි තම විශ්වාසය බව මානවශාස්ත‍්‍ර හා සමාජීයවිද්‍යා පීඨයේ පීඨාධිපති මහාචාර්ය ශිරාන්ත හීංකෙන්ද මහතා ප‍්‍රකාශ කර සිටියි. මෙහිදී ඩිප්ලෝමා සහතික පත් ප‍්‍රදානය කෙරෙන දහසකට අධික සිසුන් වෙත සුභාශංසන පළකරමින් ඔහු පවසන්නේ, ලාංකේය ප‍්‍රජාවගේ ශාස්තී‍්‍රය අධ්‍යාපනය උදෙසා තවදුරටත් අධ්‍යාපන අවස්ථා පුළුල් කිරීමට අපේක්ෂා කරන බවයි.
