‘මැණිකේ මගේ හිතේ’ සමගින් ගෝලීය තරුවක් බවට පත් වූ යොහානි ද සිල්වාගේ මංගල ඇල්බමය වන ‘කෙල්ල’ එළිදක්වා ඇත. ඇය මේ වනවිට කේවල ගීත 22 ක් සහ චිත්‍රපට ගීත 5 ක් ගායනා කර ඇත. ඇයගේ මෙම නව ඇල්බමයට ඉන් ගීත 14ක් ඇතුළත් කොට තිබෙන අතර කෙල්ල ඇල්බමය ‘ශ්‍රී ලංකාවෙන් ලෝකය වෙත’ යන තේමාවෙන් නිකුත් වේ.
මෙම ගීත 14ම තනු රචනා කළේද යොහානි විසින් වීම විශේෂත්වයකි.
එමෙන්ම ඇල්බමයේ අඩංගු සියලුම ගීත නිර්මාණය වී ඇත්තේ සත්‍ය කතා පදනම් කරගෙනය. මෙම ඇල්බමයේ නිර්මාණාත්මක නිෂ්පාදකයා වන්නේ යොහානිගේ කළමනාකරු වන දිලංජන් සෙනෙවිරත්නය. ඔහු විසින් ඇල්බමයේ කෙල්ල ගීතයද ඇතුලුව ගීත 11 ක පද රචනා කර ඇත. කෙල්ල ඇල්බමයේ ගීත Pop, Hip Hop, Rock, Folk සහ Country ශෛලීන් සමුහයකින් ඇතුළත් වේ.
