එදා මෙන්ම අදත් බුද්ධිමත් කාන්තාවන්ගේ තෝරාගැනීම වූ නවලිය අපේ රටේ කාන්තා පුවත්පත් අතර ආකර්ෂණීයම පුවත්පත වනු නොඅනුමානය. වසර 40 ක් පුරා කාන්තාවන්ට පමණක් නොව පවුලේ සැමට එක ලෙස සෙනෙහස බෙදමින් නවලිය 41 වැනි වියට පා තබන අද දවසේ ලංකාවේ පිටු වැඩිම ආකර්ෂණීයම කවරයකින් සමන්විතව හරවත් ලිපි මාලාවකින් යුතුව දැනුම බෙදන කාන්තා පුවත්පත ලෙස නව්‍යකරණයට ලක් වෙමින් ඔන්ලයින් මඟින්ද ඔබට කියවීමට ඉඩ හසර ලබා දෙන්නේ සතුටිනි. ගෙවුණු 40 ට වඩා 41 තමයි හොඳම යන තේමාව යටතේ සෑම අතින්ම හරවත් කාන්තා පුවත්පතක් පාඨක ඔබට ලබා දීමට අපි හැමවිටම ඇපකැප වී වන්නෙමු.
ඒ සඳහා නවලිය වෙබ් අඩවිය නව මුහුණුවරකින් ඔබ වෙත ගෙන එමින් සහ සෑම අතින්ම අලුත් වූ නවලියක් ඔබ වෙත ගෙන එන්නට අප අදහස් කළා. එළඹෙන 41 වැනි වසර සාර්ථකම යුගයක් කොට ගනිමින් ඉදිරියේදිත් නවලිය පරිශීලනය කරමින් ඒ හා රැfඳන්නට අප ඔබට ආරාධනා කරමු.
එම අවස්ථාව සනිටුහන් කරමින් පැවති චාම් උත්සව අවස්ථාව සඳහා උපාලි සමූහ ව්‍යාපාරයේ සන්නාම අධ්‍යක්ෂිකා කරිෂ්මා වෙල්ගම මෙනවිය, අධ්‍යක්ෂ මූල්‍ය ලක්ෂ්මන් පෙරේරා, තොරතුරු තාක්ෂණ කළමනාකාර කෝසල හිටිහාමු, පිරිස් කළමනාකාරිණී මැටිල්ඩා ගුණසේකර, බෙදාහැරීමේ කළමනාකාර සිසිර ගලදෙණිය, සහකාර බෙදාහැරීම් කළමනාකරු ජයරුක් පෙරේරා යන මහත්ම මහත්මින් සමඟ නවලිය කර්තෘතුමිය හරින්දී ලියනගේ අතුළු නවලිය කාර්ය මණ්ඩලය සහභාගී විය.
නවලිය 41 වැනි සංවත්සරය වෙනුවෙන් කේක් නිර්මාණය කරනු ලැබුවේ සූපවේදිනී තාරුකා වන්නිආරච්චි විසිනි.
ඡායාරූප – නිශාන් එස්. ප්‍රියන්ත
