ජීවිතය එක් වතාවක් හෝ හොරවිල මහගෙදරට ගොස් ශාන්ත වෙද මහතා හමුවී කතාබස් කොට භූමියේ ස්ථාපිතව ඇති අපූරු ඔසුව උයනේ අසිරිය විදගන්නා මෙන් ඔබට ඇරියුම් කරමි. බෙහෙතට ගත නොහැකි එකඳු ශාකයක් ජීවකතුමාට හමුවී නැත. අද උදවිය නොසලකා හැරියට අතීතයේ විසූ හෝ ඒවායෙන් උපරිම ප්‍රයෝජන ගෙන නීරෝගීව පරමායුෂ අත්වින්දහ. අද බොහෝ දෙනා පූරුවේ පිනට පරමායුෂ ලැබුවද වසර විස්සක් පමණ ලෙඩ ඇඳේය. වෙද අත්පොත මද වෙනසක් කරමින් ඔබට කියා දෙන්නට යන්නේ ඖෂධීය ගුණයෙන් සපිරි මී ගස පිළිබඳවය.
මී ගස පැය 24 පුරාවටම ඔක්සිජන් ඉපදීමේ කාර්යයෙහි නියැලී සිටී. පෙර රජ සමයෙහි මීගසක් කපා හෙලීම යනු මරණ දණ්ඩනයට යටත් වන වරදකි. ඒ ඖෂධ ගුණය මෙන්ම වී වගාවට ඇති ප්‍රයෝජනය සලකාය. වාත වේදනා සහ හන්දිපත් සමනය කිරීමට මීතෙල් දිව ඔසුවකි. මීතෙල් සිඳගන්නේ වියළි ඇට අඹරා මිරිකා ගැනීමෙනි. ඉතිරි වන මී මුරු ලෙස හැඳින්වෙන්නේ පුන්නක්කු වැනි ද්‍රව්‍යයයි.අත් බෙහෙතක්, කෘමි නාශකයක්, සත්ත්ව ආහාරයක් ලෙස ප්‍රයෝජනයට ගැනේ.
අතීතයේදී මීමල් වේලා කොටා මිරිකා ලබාගන්නා පැණි රැසකැවිලි සෑදීමට භාවිත කර ඇත. ඉදුනු මී ගෙඩියේ මදය මිරිකා රසවත් පානයක්ද මධ්‍ය තම්බා දිය හැර රසවත් වෑංජනයක් ද සාදා ගැනීමට හැකිය. අතිශය පෝෂ්‍යදායිකය. වෑංජනය තෙම්පරාදුවට මෙන්ම බැදුම් වර්ග සඳහා ද මීතෙල් සුදුසුය. පළමුව තෙල් රත්කර පිරිසිදු ජලය තේ හැන්දක් පමණ දමා දිය සිඳුනු පසු ආහාරය එකතු කිරීමෙන් යම් අසාත්මිකතාවක් වෙත්නම් මගහැරී යයි.වාත සහ සෙම් දෝෂ සමනයට මීතෙල් ඉතා ගුණදායකයග විශේෂිත අම්ල සහ පදාර්ථ අතරින් බෙලික අම්ලය, ලිනෝලියන්, සිට්‍රියන් ප්‍රධානය. කල්ගත වූ මී තෙල්වල පිළිකා මර්දන ගුණය ඇත. ඉතාලියේ ස්වීඩනය ආදී රටවල මාගරින් සහ චොක්ලට් ආදිය නිපදවීම සඳහාද මීතෙල් භාවිත කරයි.
අත් බෙහෙතක් ලෙස
සන්ධි සහ වාත අමාරු වලට
මීතෙල් මිලිලීටර් හැටක් පමණ ගැන එයට හොඳින් කුඩු කරගත් කපුරු කුඩු දමා මද ගින්නෙක් කකාරවා ගන්න. ඉන් මසු මද උණුසුම තිබියදීම ගල්වා මෘදුව සම්බාහනය කරන්න.
තැවිලි පොට්ටනිය
මී ඇට එඩරුවට තල ඇට සහ කොට්ට පොල් සම ප්‍රමාණයෙන් ගෙන එය හොඳින් කොටා පොට්ටනි බැඳ තෙල් ගැල්වීමට පෙර හොඳ හැටි තවන්න.
ආලේපනය
තිබ්බටු කොළ මීතලෙන් සියුම්ව අඹරාගෙන රත් කර මද උණුසුම තිබියදීම ආලේප කරන්න.
වෛද්‍යාචාර්ය සාන්ත සෙනෙවිරත්න
කැඩුම් බිඳුම් – අස්ථි සන්ධි සහ ස්නායු
රෝග පිළිබඳ විශේෂඥ දේශීය වෛද්‍ය
හොරිවිල මහ වෙද ගෙදර
අජන්ත ජයසේකර ✍️
