කාලගුණ තත්ත්වයන්හි අවදානම ඉදිරියේ මේ දිනවල පවතින අධික උෂ්ණත්වය නිසා විවිධ සෞඛ්‍ය ගැටලු ඇති වීමට ඉඩ තිබෙන බවට වෛද්‍යවරුන් විසින් පෙන්වා දී තිබෙනවා. තද හිරු රශ්මියේ බලපෑම නිසා විිවිධ සෞඛ්‍ය ගැටලු ඇති වීමට පුළුවන්.
ආතතිය (Heat stress)
මස් පිඬු පෙරලීම ( Heat Cramps )
සිහි මුර්චාව ( Heat Stroke)
හෘදයාබාධ
පෙනහළු රෝග
නිදන්ගත රෝග උත්සන්න වීම
පාසල් වයසේ දරුවන් මෙම කාලගුණ තත්ත්වයන්හි අවදානම් කණ්ඩායමක් ලෙස හඳුනාගෙන තිබෙනවා. එම නිසා පාසල් දරුවන් අතර මෙම සංකුලතාවයන් වළක්වා ගැනීම සඳහා අනුගමනය කළ යුතු ක්‍රියාමාර්ග කීපයක් පිළිබඳව පවුල් සෞඛ්‍ය කාර්යාංශය මගින් දැනුවත් කර තිබෙනවා.
නිතර නිතර ජලය පානය කිරීම. පිපාසාවක් නොමැතිව වුවත් විනාඩි 15 කට 20 කට වරක් වතුර උගුරු 7 හෝ 8 ක් වැනි ප්‍රමාණයක් පානය කිරීම.
සීනි අධික බීම පානය සුදුසු නැහැ.
එළිමහනේ සිටින විට තොප්පියක් පැළඳීම.
එළිමහනේ ගමන් කරන විට කුඩයක් පාවිච්චි කරන්න.
අනවශ්‍ය පරිදි එළිමහනේ ගැවසීම සුදුසු නැහැ
පාසලෙන් පිටත වුවත් ලා පැහැති සැහැල්ලු ඇඳුම් අඳින්න.
අධික රස්නය ඇති විට මුහුණේ සහ අත්වල වතුර ගාන්න.
දවසේ වඩාත්ම උෂ්ණත්වය ඇති කාලය සේ සැලකෙන පෙ.ව 11. 30 සහ ප.ව 3.30 අතර කාලයේදී අධික දහඩිය දමන හා කය වෙහෙසා කරන ක්‍රිඩා කිරීම සුදුසු නැහැ.
පාසල් පරිශ්‍රයේ දරුවන්ට ප්‍රමාණවත් පරිදි පිරිසිදු පානීය ජලය වෙනුවෙන් පහසුකම් සලසා දීම.
කඩදාසිවලින් සැදූ අවානක් හැකි නම් රැගෙන ඒමට උපදෙස් ලබා දීම.
හදිසි තත්ත්වයකදී ක්‍රියා කළ යුතු ආකාරය ගැන ප්‍රථමාධාර කණ්ඩායම් දැනුවත් කිරීම සහ උපදෙස් ලබා දීම.
(පවුල් සෞඛ්‍ය කාර්යංශයේ උපදෙස් ඇසුරෙන්)
පුන්‍යා චාන්දනී ද සිල්වා ✍️
