ලොව පුරා සිදු වන මරණ අතරින් පිළිකා රෝගය නිසා සිදු වන මරණ සංඛ්‍යාව ඉතා ඉහළ බැව් රහසක් නොවේ. ඒ අතරින් බඩවැල් ආශ්‍රිත පිළිකාවන් නිසා මිය යන රෝගීන් සංඛ්‍යාව ගැන නිරන්තර වාර්තා වෙනවා. ලෝක සෞඛ්‍ය සංවිධානය සඳහන් කරන අන්දමට බඩවැල් ආශ්‍රිත පිළිකා ලෝකයේ තෙවැනි තැනට පත් වන සුලබ පිළිකා වර්ගයක් ලෙස වාර්තා වෙනවා. වාර්ෂිකව ලොව පුරා පිළිකා රෝගීන් මිලියන 1.2 ක් පමණ වාර්තා වන අතර පිළිකා ආශ්‍රිත මරණවලින් වැඩි දෙනෙක් මිය යන්නේ අන්ත්‍ර හෙවත් බඩවැල් ආශ්‍රිත පිළිකාවන්ගෙන්.
ආන්ත්‍රික පිළිකා වළකන එන්නතක්
මේ අතර ආන්ත්‍රික පිළිකා වැළැක්වීම වෙනුවෙන් එන්නතක් නිෂ්පාදනය කිරීමට ඉන්දියානු සම්භවයක් ඇති බ්‍රිතාන්‍යයේ පිළිකා රෝග පිළිබඳ විශේෂඥ වෛද්‍යවරයෙකු වන ටෝනි ඩිලන් සහ ඕස්ට්‍රේලියාවේ මහාචාර්යවරයෙකු වන ටිම් ප්‍රයිස් සමත්ව සිටිනවා. ඔවුන් දෙදෙනා වසර හතරක් පුරා මෙම අධ්‍යයනයේ යෙදුන අතර මේ වනවිට එම එන්නත සාර්ථක බැව් හඳුනා ගෙන තිබෙනවා.
මෙම එන්නත උදර සහ ආන්ත්‍රික පිළිකා වෙනුවෙන් හඳුනා ගත් ප්‍රථම එන්නත වේ. විශේෂඥ වෛද්‍ය ඩිලන් සඳහන් කරන පරිදි මෙම එන්නත ලබා ගත් පසුව රෝගියා සියයයට සියයක්ම පිළිකාවන් නිදහස් වන බැව් සඳහන් කරනවා. මෙම එන්නත මගින් ප්‍රතිශක්තිකරණ පද්ධතිය පිළිකාවට එරෙහිව ගොඩනැගෙන නිසා රෝගියාට සැත්කමක් අවශ්‍ය නොවන බවත් මෙම පර්යේෂකයන් විසින් පෙන්වා දෙනවා.ලොව පුරා රෝගීන් 44 දෙනෙකුට මේ වෙන විට එන්නත ලබා දී තිබෙනවා.
(Clinical trials ඇසුරෙන්)
පුන්‍යා චාන්දනී ද සිල්වා ✍️
