ක්‍රිෂ් ඇන්තනී විසින් අධ්‍යක්ෂණය කරමින් පිටපත සහ කතාව ලියූ පාස්පෝර්ට් සිනමා නිර්මාණය ඔක්තෝබර් හතරවෙනිදා සිට මෙරට සිනමා ශාලාවල තිරගත වේ. ක්‍රිෂ් විසින් පළමු වරට අධ්‍යක්ෂණය කළ චිත්‍රපටය පාස්පෝට් වුවත් ඔහුගේ දෙවැනි අධ්‍යක්ෂණය වූ අපේ ප්‍රින්සිපල් කළින් තිරගතවීම නිසා ඔහු සිංහල සිනමාවට අලුත් අධ්‍යක්ෂකයෙකු නොවේ.
කඳුකරයේ තරුණයන් දෙදෙනෙකු වන අමරේ සහ සමන් ඉතාලි යෑමේ සිහිනය සැබෑ කිරීම සඳහා නීති විරෝධී බෝට්ටුවකින් යුරෝපයට යෑමට සැරසෙයි. ඒ ගමන ව්‍යාජ එකක් බවට පත් වෙයි. ඉන්පසු ඔවුන් කොළඹ කූට ඒජන්සි කරුවෙකු වන කුමාර් මාර්ගයෙන් ලංකාවෙන් පිටව යයි. ඒ ගමනේදී ඔවුන්ට බලාපොරොත්තු නොවූ ආකාරයේ මැණිකක් ගුවන් තොටුපළේදී හමු වේ. එම මැණික ඔවුන්ගේ ගමන් මළුවලට දමන පුද්ගලයා හෙවත් ගලිවර් ඉතාලියේ කොල්ලකරුවන් විසින් පැහැර ගනී. එහිදී ඇතිවන සිද්ධි දාමයක් නිසා අමරේගේ සහ නීලාගේ ප්‍රේමයද ප්‍රශ්නාර්ථයක් බවට පත්වේ. නීති විරෝධී රට යෑම් සම්බන්ධයෙන් මනා අවබෝධයක් ප්‍රේක්ෂකයාට ලබාදෙන මෙම චිත්‍රපටයෙන් කියවෙන යථාර්තය නීති විරෝධී වැඩ කරන තාරුණ්‍යයට ඇස් ඇරවයි.
ජගත් චමිල, ධර්මප්‍රිය ඩයස්, මහේන්ද්‍ර පෙරේරා, දර්ශන ධර්මරාජ්, නයන තාරා වික්‍රමාරච්චි සහ රෝෂාන් පිලපිටිය අය ප්‍රධාන චරිත නිරූපණය කරන මෙම චිත්‍රපටය ඉන්දියාව, ඉතාලිය, ශ්‍රී ලංකාව වැනි රටවල රූපගතය කිරීම් කර තිබෙන අතර මෙහි නිෂ්පාදනය කර ඇත්තේ ආචාර්ය චන්දික විරංජිත තෙබුගොල විසිනි.
හරින්දී ලියනගේ
ඔක්තෝබර් හතර වැනිදා පාස්පෝට් බලන්න…
Leave a comment
