සෞඛ්‍යසම්පන්න ජීවිතයක් අත්විඳීමට අපි කවුරුත් ප්‍රිය කරමු. එහෙත් එය ගැටලුවක් බවට පත්වී ඇත්තෝ බොහෝය. එයට හේතුව නිසි ආහාර, ශාරීරික හා මානසික ව්‍යායාම් රහිතව ප්‍රතිඵල බලාපොරොත්තු වීමය. විශේෂිත ධාන්‍ය වර්ග භාවිත කිරීමෙන් අපට නොසිතූ විරූ ප්‍රතිඵල ළඟාකර ගත හැකිය. ප්‍රමාණයෙන් කුඩා වූවත් එහි තන්තු, ප්‍රෝටීන්, ඔමේගා-3 මේද අම්ල සහ විවිධ ක්ෂුද්‍ර පෝෂක බොහෝය.
Chia seeds චියා බීජ යනු මොනවාද?
චියා මධ්‍යම සහ දකුණු ඇමෙරිකාව නිජබිම කරගත් මින්ට් පවුලේ හටගන්නා ඕවලාකාර බීජ විශේෂයකි. ප්‍රමාණයෙන් කුඩා වූවත් ඇදහිය නොහැකි තරම් පෝෂ්‍ය ගුණයෙන් අනූන වීම එහි වටිනාකම වැඩිකරයි. ඒ නිසාම සියවස් ගණනාවක් තිස්සේ මින් සෞඛ්‍ය ප්‍රතිලාභ අත්වී ඇත. විශ්වාසදායී මූලාශ්‍රවලට අනුව ඉන් රුධිර සීනි කළමනාකරණය වැඩිදියුණු කරන අතර අස්ථි ශක්තිමත් කරයි. එහි ඇති පෝෂ්‍ය පදාර්ථ මගින් හෘද සෞඛ්‍ය ප්‍රවර්ධනය කරයි.
බහුකාර්ය බීජයක්
චියා බොහෝ වට්ටෝරු සඳහා භාවිත කෙරෙන අතර එහි ඇති ජෙල් ස්වභාවය නිසා දියර සමග මිශ්‍රකර පුඩින් සෑදීමට ගනු ලැබේ. අතීතයේ සිටම ඖෂධ අරමුණු, ආගමික චාරිත්‍ර සහ රූපලාවණ්‍ය කටයුතු සඳහාද චියා ප්‍රසිද්ධය.
අධි පෝෂණ ගුණයක්
පුරාණයේ සිට ප්‍රචලිතව තිබූ අධි පෝෂණ ගුණය නූතන විද්‍යාව මගින්ද තහවුරුවී ඇත. ඒ අනුව චියාබීජ තේ හැඳි දෙකක ඇති කැලරි මට්ටම 138 ක් වන අතර, එහි ප්‍රෝටීන් ග්‍රෑම් 4.7ක්ද, මේදය ග්‍රෑම් 8.7ක්ද, alpha-linolenic acid (ALA) ග්‍රෑම් 5ක්ද, carbs ග්‍රෑම්11.9 ක්ද, තන්තු ග්‍රෑම් 9.8ක්ද, දෛනික අවශ්‍යතාවයෙන් 14%ක් කැල්සියම්ද, මැග්නීසියම් 23%ක්ද. පොස්පරස් 20%ක්ද, සින්ක් 12%ක්ද, vitamin B1 (thiamine) 15%ක්ද, vitamin B3 (niacin) 16%ක්ද වශයෙන් වන පෝෂණ ගුණයක් අඩංගුය.
සෞඛ්‍යමය ප්‍රතිලාභ
ප්‍රතිඔක්සිකාරක Antioxidants ලබාගැනීම සඳහා චියා හොඳ ප්‍රභවයකි. චියා බීජවල Chlorogenic acid, Caffeic acid,Myricetin, Quercetin සහ Kaempferol යන ප්‍රතිඔක්සිකාරක අඩංගුය. මෙමගින් වර්ධනය වුවහොත් සෛල සංයෝගවලට හානි පමුණුවන වයසට යෑම සහ පිළිකා ඇතිවීමට බලපාන ප්‍රතික්‍රියක අණු(Reactive molecules) උදාසීන කරයි. හෘදයවස්තුවේ සහ අක්මාවේ සුවතාවයටද චියා උදව් වෙයි. බීජවල ඇති Chlorogenic acid මගින් රුධිර පීඩනය අඩු කරන අතර Caffeic acid මගින් ඉදිමුම සහ දැවිල්ල මැඩපවත්වයි.
බර අඩුකරගැනීමට උදව්වක්
චියා බීජවල ඇති අධික තන්තු ප්‍රමාණය නිසා බර අඩුකර ගැනීම සඳහා ඉන් ලැබෙන්න් මනා පිටිවහලකි. එහි ඇති ප්‍රෝටීන්, ආහාර රුචිය අඩුකර ගැනීම සඳහා උදව් වන නිසා ආහාර ගැනීම පාලනය වෙයි. ඔබේ උදෑසන ආහාර වේලට චියා බීජ එකතුකර ගැනීමන් බර අඩුවීමට ලොකු පිහිටක් නොලැබුණත්, සමබර පෝෂ්‍යදායී ආහාර වේලක් ලබාගැනීමට එය උදව් වනු ඇත.
අවශ්‍ය ප්‍රමාණය
උදෑසන ආහාරය සඳහා චියා බීජ ග්‍රෑම්28ක් (තේ හැඳි 2-3) ප්‍රමාණවත්ය.
( www.healthline.com ඇසුරෙන්)
සුනිල් අල්ගම
