කාන්තාවන් අතර බහුලව පැතිර යන රෝගයක් ලෙස පියයුරු පිළිකා හඳුනා ගන්න පුළුවන්. වැදගත්ම කරුණු වන්නෙ අවධානමට පෙර සූදානම. කලින්ම රෝග ලක්ෂණ හඳුනා ගැනීමටත් පිළිකා අවධානම අඩු කරන ස්වභාවික ආහාර වර්ග ගැනීමත් වැදගත්.
■ කහ
කහ, පියයුරු පිළිකා, පෙනහළු සහ සමේ පිළිකා වැනි විවිධ වර්ගවල පිළිකා සමඟ සටන් කරන ඖෂධයක්. ඒ වගේම පිළිකා සෛල ව්‍යාප්ත වීම මන්දගාමී කරන අතර පිළිකා සෛල වර්ධනය වීම අවම කරන්නත් සටන් කරනවා. ඔබගේ එදිනෙදා ආහාර වේල් පිළියෙළ කර ගනිද්දී කහ එකතුකර ගන්න අමතක කරන්න එපා.
■ තක්කාලි
පියයුරු පිළිකා වලින් ආරක්ෂා වීමට තක්කාලිවල අඩංගු පෝෂ්‍ය පදාර්ථයන් ඉවහල් වන බව වෛද්‍ය පර්යේෂණවලින් තහවුරු වෙලා තියෙන දෙයක්. තක්කාලිවල අඩංගු ලයිකෝපීන් කියන්නේ ප්‍රබල ප්‍රතිඔක්සිකාරකයක්. පිළිකා සෛල වර්ධනය නතර කිරීමෙන් පියයුරු පිළිකා ඇති වීම වැළැක්වීමට ප්‍රභලව මෙය උදවු වෙනවා. පියයුරු පිළිකා හැරුණම පෙනහළු හා අස්ථි පිළිකා ඇතුළු අනෙකුත් පිළිකා ඇති කරන සෛල අඩපණ කිරීම සඳහා ලයිකෝපීන් ප්‍රයෝජනවත් වෙනවා.
■ බ්‍රොකෝලි
බ්‍රොකෝලිවල පිළිකාවලට එරෙහිව සටන් කිරීමේ හැකියාව ඇති සංඝටක අඩංගු වෙනවා. විශේෂයෙන් ඒ මඟින් පියයුරු පිළිකා සෛල වර්ධනය මර්දනය කරනවා. ඒ වගේම ගැබ්ගෙල සහ පුරස්ථි පිළිකා වැනි පිළිකාවලිනුත් ඔයාව ආරක්ෂා කරනවා. බ්‍රොකෝලි වගේම ඔයාගේ එදිනෙදා ආහාර වේලට ගෝවා, කොළ ගෝවා, වට්ටක්කා වැනි ආහාර එකතු කරගන්න
( smartlady.lk ඇසුරෙන් )
අර්චිත ඉඳුවර
